24.1 C
Kathmandu
Friday, April 12, 2024

क्यानाडामा नेपथ्यको कन्सर्ट हुँदै

नेपालको चर्तित सांगीतिक ब्याण्ड नेपथ्यले पहिलो पटक क्यानाडाको संगीतयात्रा गर्ने भएको छ। अक्टोबर- १ तारिखमा निर्धारित तालिका अनुसार नेपथ्यले त्यहाँको क्यालगरी सहरको ‘दी प्यालेस थिएटर’मा प्रस्तुति दिन लागेको हो।

त्यसपछि अक्टोबर-४ मा भ्यानकुभर सहरको ‘दी भोग थिएटर’ मा नेपथ्य कन्सर्ट हुँदै छ। अक्टोबर-८ मा ब्याण्ड टोरन्टोस्थित क्यानाडाकै बिख्यात कार्यक्रम स्थल ‘म्यासी हल’ मा कन्सर्ट हुँदै छ। यी दुवै सहर क्यानाडाको पश्चिमी भेगमा पर्छन्।

यात्राको अन्तिम शो भने मुलुककै पूर्ववर्ती सहर टोरन्टोका दर्शक माझ हुनेछ। अक्टोबर ८ तारिख, आइतबारका दिन ब्याण्ड टोरन्टोस्थित क्यानाडाकै विख्यात कार्यक्रम स्थल ‘म्यासी हल’मा प्रस्तुत हुनेछ।

सन् २००२ मा नेपालयले व्यवस्थापन सम्हालेपछि नेपथ्यले हालसम्म १६ वटा देशको २८ सहरमा ७८ वटा कार्यक्रम गरिसकेको छ। क्यानाडा नेपथ्यको १७ औं गन्तव्य राष्ट्र हुनेछ। क्यानाडाको तीनवटै कन्सर्टमा अमृतलाई ड्रमसेटमा ध्रूव लामा, किबोर्डमा सुरज थापा, बेस गितारमा सुबिन शाक्य, गितारमा निरज गुरूङ र मादलमा शान्ति रायमाझीले साथ दिनेछन्।

अन्य सामाग्री जुन तपाईलाई मन पर्नसक्छः

Check out other tags:

मनपराइएका अन्य पोष्टहरु