जनता समाजवादीका अध्यक्ष महन्थ ठाकुरमाथि पार्टीका अर्का अध्यक्ष उपेन्द्र यादवले किर्ते एवम् जालसाजीको मुद्दा दर्ता गर्ने बताएका छन् । ठाकुरले गत असार १ गते निर्वाचन आयोगमा पेश गरेको कागजात नक्कली र किर्ते भएको दाबी गर्दे यादव पक्षसँग निकट कानुन व्यवासायीहरूले अदालतमा किर्ते र जालसाजीको मुद्दा दायर गर्न सुझाएका हुन।
जसपानिकट कानुन व्यवसायीहरूको संगठन संघीय कानुन व्यवसायी संघका अध्यक्ष दीपक राईले ठाकुरविरुद्ध आफूहरूले जिल्ला अदालत ललितपुरमा लिखतसम्बन्धी कसुरको अभियोग लगाई मुद्दा दर्ता गर्ने बताए। आयोगमा पठाइएको कागजात किर्ते देखिएको हुँदा अदालतमा मुद्दा दर्ता गर्ने तयारी गरिएको उनको भनाइ छ।
अर्को प्रयोजनको लागि गरिएको हस्ताक्षरलाई ठाकुरले दुरूपयोग यादव पक्षको भनाइ छ। कार्यकारिणी समितिको फेरबदल र पुनर्गठन गर्ने अधिकार अर्का अध्यक्ष उपेन्द्र यादवले आफूलाई सुम्पिएको भन्दै ठाकुरले गत असार १ गते यस सम्बन्धमा कार्यकारिणी समितिको बैठकको माइन्युटिङको प्रतिलिपी आयोगमा पेश गरेका थिए। उक्त माइन्युटिङ किर्ते भएको यादव पक्षको भनाइ छ। जसपाको आाधिकारिकताको मुद्दा अहिले निर्वाचन आयोगमा पुगेको छ।
कानून अनुसार किर्ते काम गर्नेहरुलाई ७ बर्षसम्म कैद र ७० हजार जरिवाना गर्ने ब्यवस्था छ । स्रोत नागरिक दैनिक
किर्ते जालासजी बाहेक के जानेका छन् र नेताहरुले